كورس أساسيات الرسم الديجيتال عربي مجانا من يوديمي
لو انت حابب تبدأ رحلتك في مجال الفن ان شاء الله الكورس دة هيكون احسن حاجة تبدأ بيها في حياتك الجديدة لأنه كورس شامل لاساسيات الرسم و هتتعلم فيه مباديء اساسية هتساعدك في رحلة التعلم السعيدة بتاعتك.
في المستوى زيرو لتعليم الرسم هتلاقي كل اللي انت محتاجة عشان تعرف ترسم بتابلت الرسم
هتتعلم
من اول اية الاجهزة اللي محتاجها
اية البرامج المستخدمة في الرسم الديجيتال
ازاي تتحكم في رسم الخطوط و المنحنيات
ازاي تظلل بطرق التظليل المختلفة
ازاي تعبر عن نسب و كتل العنصر المرسوم
هتتعلم حاجة مهمة جدا و هي مهارات الرسم السريع اللي هتؤهلك لعمل سكتشات كتير جدا في وقت قليل جدا و دة بالتالي هيخليك تتعلم مهارة الرسم بسرعة .. مع العلم ان الرسم دة مش موهبة الناس بتتولد بيها زي الفكر الشائع و لكنها حرفة او صنعة مكتسبة بالتدريب.
و اخيرا هنطبق سوا علي رسم تكوين من البداية للنهاية.
هنرسم سوا السكتش و نعرف ازاي نمهد للرسمة بحيث تاخذ اقل وقت ممكن في الرسم.
و بعد كدة هنظلل الرسمة بتاعتنا و بعد كدة هنتعلم تقفيل الرسم و التلوين بحيث تبقى جاهزة لاننها نوريها للجمهور.
في نهاية الكورس دة هتكون قادر علي رسم و تظليل و تلوين اي عنصر امامك بخطوط بسيطة و بسرعة
وبالتوفيق ان شاء الله.
